plattdüütsch Niedersachsen klar Logo

Politik van Industrie un Technologie

Ok wiederhen is de Industrie heel belangriek, daarmit Europa dat good geiht. Daar liggen nu en hele Bült verscheden Upgaven an. Daarum is dat wichtig, dat sekere Grundlagen upsett worden, de mit de Wettbewarv övereen gahn un de groter Rümte för Neeiheiden, Wassdom un Arbeid in de Industrie opendoon. Mit disse Aard van Industriepolitik will sük dat Ministerium för Wirtschupp daarför insetten, dat en Verbetern van dat Mithollen in de industrielle Wettbewarv ok in de anner Politikrebetten en Thema word.

Genau dat will dat Land ok mit sien Technologie- un Innovationspolitik berecken:
In Tieden, waar dat gau na vörn geiht un dat Wettbewarv up de hele Welt gifft, is Anhollen datsülvige as en Tree torügg. Natürelke Rohstoffe hebben wi man minn: Blot mit en Umto, de open för Neeiheiden is, un dör neje Produkten un neje Aarden to produzeren könen Arbeidssteden mit Tokunft schafft worden. Dit is de Vörutsetten daarför, dat uns dat wiederhen so good geiht, un uns Riekdom in de Tokunft groter worden kann.

Mit klare Konzepten van Hanneln, de good dördocht sünd, deit dat Nedersassische Ministerium för Wirtschupp, Arbeid un Verkehr dat, waar 't up an sall:

  • En gode Unnerboo van Förschen dicht bi de Wirtschupp upsetten
  • Neeiheiden in de nedersassische Tokunftsrebetten up Stapp helpen
  • Dat Överdragen van Technologien stark maken
  • De Vörutsettens verbetern, wenn d`r en Unnernehmen upsett worden sall
  • Dat Vernejen up dat Rebett van Gesellschupp un Wirtschupp wiederhelpen
Industry and technology
na d‘ Anfang van disse Sied
Mobieltje Ansicht