plattdüütsch Niedersachsen klar Logo

Internationalität – de Butenwirtschupp stark maken


Neje Markten – Neei Wassdom – Neje Arbeidssteden

Al lang sünd de Grenzen van de Staaten kien Hinners mehr för Kuntakten van de Wirtschupp. De EU is de beste Bewies. Man elke Bedriev hett daarbi al faststellt: Na neje Markten henkomen is stuur. In dat Dörnanner van verscheden Gesetzen, butenlandsche Bürokratie un ok verscheden Kulturen wisst sük, dat twee Saken van Belang sünd: Informationen un Kuntakten.

Dat Land grippt de Unnernehmens ut de Middelstand daarbi unner d` Arms. As Anspreckpartner of mit Stön dör dat Butenlandsmesseprogramm, dör Vertreders vör Ort un Stee of dör Wirtschuppsdelegerens in de Markten, um de dat geiht. Wi geven uns Unnernehmens Stön un helpen hör dör dat Kuddelmuddel. So maken wi dat Bestahn in de Wettbewarv in `t egen Land beter. Internationalität in de Wirtschupp brengt Wassdom, dat maakt Arbeidssteden seker un brengt neje Steden.

Wi willen de Bedüden van dit Thema för Nedersassen un sien Wirtschupp gerecht worden. Daarum hebben wi de Informationen daarför up en Webbstee binannerbrocht. Hier finnen Ji Materiaal un Tahlen to Butenhannel, Delegationsreisen in Wirtschuppssaken, Butenlandsmessen un Middels to Stönen. Kiekt Jo dat man an!

na d‘ Anfang van disse Sied
Mobieltje Ansicht