plattdüütsch Niedersachsen klar Logo

Golf-Urlaub

Klaar för de Ofslag in dat Golfland Nedersassen

Golfsport van sien moiste Sied: Van de windig Waterkant över de Lünebörger Heid bit hen na de Höchten in dat Werserbargland gifft dat beste Golfanlagen för all verscheden Graden van Könen för Jo in dat „Golfland Nedersassen“. Künnig Spölers komen hier nettso up hör Kösten, as Gasten, de in d` Urlaub eerstmaal kieken willen, wat Golf is. Mehr as 80 Golfanlagen hebben för de Golfurlaubers pleegt Greens un Fairways to upteen un putten.

Golfurlaub mit Stil un Vermaak, dat is garanteert. De Golfhotels in Nedersassen laden mit en edel Utstafferen to Ruh un Verhalen na de Golfrunn in. Tohoop mit de Golfanlagen dichtbi beden de Resorts un Hotels en besünner Service un antreckelk Angeboden för Golfurlaubers: van legerde Greenfees bit na ’t Reserveren van Anfangstieden.

Verhalen un Geneten gifft dat för de Golfspölers na en Runn vull van Belevnissen: mit Ayurveda, Thalasso of en entspannende Massage worden de möje Golfspölers weer munter maakt. Un natürelk kummt mit dat Golfspölen ok de Sinn up `t Eten: van `t lüttje Happke bit na `t groot Menü beden de Golfhotels spezielle Angeboden mit besünner Eetwark ut de Kuntreien. Daar is för elk dat Rechte daarbi.

Golf lessons at Hardenberg GolfResort Bildrechten: TourismusMarketing Niedersachsen GmbH
na d‘ Anfang van disse Sied
Mobieltje Ansicht