plattdüütsch Niedersachsen klar Logo

Bibliotheken

Nedersassen steiht bi de Bibliotheken in Düütschland in de eerste Rieg. Dat liggt vörall daaran, dat hier de Kundendennst in de Bibliotheken verbetert un Geld in de Utstafferen mit Hard- un Software, de Utboo van dat Internet un de digitale Medientechnologie stoken worden is. Al in `t Middent van de 90er Jahren hett Nedersassen butendeem tosamen mit sess anner Bundslannen de Gemeensame Bibliotheksverbund (GBV), en "Virtuellen Bibliothek", up de Benen stellt, de as eerste van de düütsche Bibliotheksverbunnen dat Utlehnen over Internet inföhrt hett. To dat butengewohn gode wetenschuppersche Bibliothekswark in Nedersassen hören unner annern 19 Hoogschoolbibliotheken, daarunner de Staats- un Universitätsbibliothek Göttingen, de to de grootste Bibliotheken in Düütschland tellt, dree Landesbibliotheken - dat sünd de Gottfried Wilhelm Leibniz Bibliothek in Hannover, de Landesbibliothek Ollenbörg un de Herzog August Bibliothek in Wolfenbüttel - un de Technische Informationsbibliothek Hannover, de de Upgaven van de düütsche Zentralbibliothek för Technik un hör Grundlagenwetenschuppen overnimmt.

na d‘ Anfang van disse Sied
Mobieltje Ansicht