plattdüütsch Niedersachsen klar Logo

Anstöten van `t Land bi Technologie

Dat Land Nedersassen will neje Entwickelns Stön geven. Daarför helpt dat Nedersassische Ministerium för Wirtschupp, Arbeid un Verkehr landeswiede Anregens up ’t Padd, de för en Wiederkomen van de nedersassische Wirtschupp besünners belangriek sünd un beste Utsichten för de Tokunft hebben. Sall en landeswiede Anregen upsett worden, mutt dat daarför gode Utsichten för de Tokunft geven, dat mutt klaar wesen, waar de Markt up angeiht, un Mögelkheiden van Wassdom mutten daar ok wesen.

Lannesanregens worden för en bestimmte Tied upsett, normalerwies eerst för dree Jahr. Wenn sük dat Zentrum för Neeiheiden GmbH dat ankeken hett, kann disse Tied noch maal wat langer maakt worden. Dat Land gifft in disse Tied Geld för en Geschäftsstee un büddt ok en Pott för neje, gode Projekten.

Mit dat Inrichten van Lannesanregens sölen de belangrieke Inrichtens van Wetenschupp un de Unnernehmens ut een Rebett in en Nettwark binanner brocht worden. Dat doon de Lannesanregens:

  • Partners van dat Nettwark över neje Entwickelns un Paden as ok över mögelke Geldpotten informeren.
  • dat Tosamenwarken un up Neeiheiden utricht Projekten up dat Feld van EU, Bund un Land anschuven
  • Upmarken antrecken för un Vermarkten van de Stee Nedersassen.

Anregens van dat Land, de nu lopen:

  • Adaptronik
  • Brannstoffzell un Batterientechnologie
  • Wirtschupp för de Gesundheid – Life Sciences Nedersassen
  • Technik van Mikrosystemen un Sensorik
  • Nano- un Materiaalneeiheiden
  • Telematik
  • Satellitennavigation (GAUSS)
  • Wirtschupp för d` Nähren
  • Logistik
  • Lücht- un Ruumfahrt, Nedersassen Aviation
Microtechnology Bildrechten: grafolux & eye-server
na d‘ Anfang van disse Sied
Mobieltje Ansicht