plattdüütsch Niedersachsen klar Logo
Cow Bildrechten: Touristik GmbH Südliches Ostfriesland

Dat Land

Nedersassen hett vööl to beden: Buten de Besünnerheiden in Kultur, Landschaft un Tradition is dat tweedgrootste Land van de Bundsrepublik en profitelk Stee för de Wirtschaft. Besöökt Nedersassen up en Gedanken- un Billerreis. Lesen Se mehr

Niedersächsische Landesregierung Bildrechten: Nds. StK/Scheffen

De Nedersassische Landesregeren

Lehrt de Nedersassisch Ministerpräsident un de Ministersches un Ministers van de Nedersassisch Landesregeren kennen. Lesen Se mehr

Business and industry in Lower Saxony Bildrechten: grafolux & eye-server

Wirtschupps- un Messestee Nedersassen

Nedersassen hett wegen de Laag midden in de europäisch Markt groot Vördelen bi de Weddstried um Steden för Bedrieven. Dat gellt besünners, siet de EU sük na Oosten utwiedt hett. Ok de Infrastruktur is allerbest. Lesen Se mehr

Studien-Service Bildrechten: grafolux & eye-server

Bildung & Wetenschupp

För de Studerenden gifft dat in Nedersassen mit sien vööl un verscheden Hoogscholen en ganz Bült Mögelkheiden, dat passende Studium to finnen. De Universitäten, Fackhoogscholen, Kunsthoogscholen un Berufsakademien van dat Land hebben verscheden Swaarpunkten, Studienzielen, Facken un Studiengangen. Lesen Se mehr

Beach life in Neßmersiel Bildrechten: Ostfriesland Touristik Landkreis Aurich GmbH

Tourismus

Urlaub in Nedersassen – finnt ut, wo vöölklörig de Natur, Kultur un Minschen bi uns in d’ Noorden sünd! Van de Oostfreesche Insels un de Noordsee-Küst bit to de Höchten van de Harz gifft dat Urlaubskuntreien, de 't Ankieken weert sünd. Lesen Se mehr

Musiker vor Gebäude Bildrechten: grafolux & eye-server

Kultur

Nedersassen word förmt dör en rieken un vöölsiedigen Kultur. En ganz Rieg van Theaters un Museums, aver ok Karken, Slötten un olle Gaarnanlagen laden Jo in up Besöök na Nedersassen. Lesen Se mehr

Stephan Weil - Nedersassisch Ministerpräsident   Bildrechten: Nds. StK/Scheffen

Leve Gasten,

as Nedersassisch Ministerpräsident segg ik van Harten willkomen up de plattdüütsche Internetsieden van dat Land Nedersassen. Ik laa Jo in, Nedersassen up dit Padd kennen to lehren. Ji sölen faststellen: bold kien anner Bunnesland hett so en Völklörigheid to beden.

Bi uns gifft dat Hoogseeklima up de Insels un man kann in de Bargen in de Harz skifahren. Nedersassen büddt Grootstadtleven in Hannover, Brunswiek un Ossenbrügge un to glieke Tied Ruh un Verhaal in de eensame Landstreken. So verscheden as de Landschupp in Nedersassen is ok uns kulturelle Bodd. An en hele Bült Steden un in völ Museums könen Ji beleven, dat uns Land, ok wenn `t ruugweg eerst 60 Jahr old is, up en Geschicht von bold tweedusend Jahr torüggkieken kann.

Nedersassen is en moderne Stee van Wirtschupp un Wetenschupp, de fix wat leisten kann. In Nedersassen word de VW-Golf boot, dat Auto, dat up de Welt an meesten verköfft word. In 't nedersassisch Papenbörg worden de moiste Krüüzfahrtschepen boot, un anners nargends in Düütschland sünd de Lüü so beslaan, wenn 't um dat Wiederkomen van de Flegeree un Weltruumfahrt geiht. Nedersassen is en Land van Innovationen. Bi uns komen beste Förschen, hoogtechnologische Entwickelns un Produkten, de best lopen, binanner.

In uns internationale Vörstellen finden Ji Informationen over dat Land, de Wirtschaft, de Kultur, over moje Steden, de man sük ankieken sull, un over de nedersassisch Landesregeren. Ik frei mi, wenn dat Internet-Angebood Jo daarto anhollt, de Vöölklörigheid van Nedersassen tüschen Harz un Heid, tüschen Elv un Eems sülvst maal to beleven.

Mit beste Gröten

Stephan Weil
Nedersassisch Ministerpräsident

na d‘ Anfang van disse Sied
Mobieltje Ansicht