De Nedersassische Landesregeren

Dat is Opgaav vun de Landesregeren, de politischen Geschäften op Landesebene in de Hand to holen un jem den richtigen Dreih to geven. Bavento mutt se tosehn, datt de Gesetten, de de Landdag besluten deit, ümsett werd. Normalerwies drüppt sik dat Kabinett eenmal in de Week. Denn beraad de Ministerpräsident un sien Ministers över Gesetten un Rechtsverordnungen, de in de Maak sünd.

Mang de Landesregeren ehr uregen Opgaven höört to'n Bispill, datt se de School- un Hochschoolpolitik, Kunst un Kultur vöranbringen un dor Gesetten to op'n Padd bringen deit; se gifft de Richtsnoor vör för de Polizei un wat de Binnen-Sekerheit anlangt. Bavento bringt sik de Landesregeren över den Bundesraat mit in bi Gesetten för de Bundesrepublik Düütschland un bi Angelegenheiten vun de Europäische Union.