plattdüütsch Niedersachsen klar Logo

Dennsten

De nedersassische Hoogscholen beden gode Dennsten in all Fragen rund um 't Studium an. So helpt dat Akademische Butenlandsamt/Studentensekretariat van Jo nedersassische Hoogschool jo bi all Fragen rund um Jo Studium wieder: van dat Studienangebood over de Bedingungen för 't Bewarven bit to de Krankenversekern un de Wohnungssöök. Un dat nich blot vör de Studienbegünn, man ok in Jo Studientied in Düütschland. Van de Mitarbeiders kriegen Ji ok gode Tipps to dat kulturelle Leven un för de Freeitiedmögelkheiden in Nedersassen.

De Studentenwarken sünd för dat wirtschaftlike, gesundheitlike, soziale un kulturelle Fördern van de Studerenden tostännig. Besünners hebben se de Mensen un Cafeterien unner sük, kümmern sük um Wohnheimplatzen un sünd tostännig för dat finanzielle Fördern van de Studerenden na dat Bundesutbildungsförderungsgesetz (BaföG). Butendeem beden vööl Studentenwarken meest köstenfreje Beradens an (Psychotherapeutische Beraden, Sozial- un Rechtsberaden), stönen de kulturelle Arbeid van Studerenden un unnerhollen an verscheden Steden Inrichtens för 't Uppassen up Kinner.

na d‘ Anfang van disse Sied
Mobieltje Ansicht