plattdüütsch Niedersachsen klar Logo

Arbeidsmarktpolitik

Tegen de Arbeidslosigheid angahn hört to de belangriekste Upgaven van Politik un Gesellschupp. Nich blot de Stüren un Ofgaven mutten minnerseert worden, ok de to völe Regels van de Arbeitsmarkt mutten ofboot worden, so dat de Arbeidslosigheid andaal geiht. Arbeidgevers un Arbeidnehmers bruken mehr Freeiheid un Mögelkheiden in dat Arbeidsrecht, in dat Tarifrecht un bi dat Gestalten van hör Arbeidstied. Daarför sünd mehr Mögelkheiden in de Schuul van Kündigens un bi Arbeidsverdragen up Tied nödig, man ok dat Starkmaken van de bedrievelk Sied bi dat Lohnfinnen. Anner Länner wiesen uns mit en bewegelk Arbeids- un Tarifrecht, wo dat up disse Maneer mehr Bewegen bi Wassdom un Beschäftigen geven un de Arbeidslosigheid andaalgahn kann.

Ok de Systemen van dat soziale Sekern mutt man ännern, so dat disse froh genoog up de Upgaven van de demographische Verännerns vörbereidt worden. Beter Huushollen un mehr Wettbewarv, egen Verantwoorden stark maken un mehr kapitaldeckende Delen sünd wichtige Punkten för mehr Verännerns.

Up de Arbeidsmarkt is mit de Inföhren van dat SGB II en belangriek Stapp maakt worden, um de Minschen, de al langer ohn Arbeid sünd, beter to helpen un hör an Steden to brengen. Bi Arbeidsverannerns sall un mutt an vörderste Stee stahn, de Minschen, de kien Arbeid hebben, in de eerste Arbeidsmarkt rintohelpen. Dat Ministerium för Wirtschupp, Arbeid un Verkehr sücht sien Upgaav daarin, de verantwoordelk Dragers van de Arbeidsmarktpolitik good unner d´ Arms to griepen.

De Lannesregeren is ok mit egen Anstötens un Programmen daarbi. Disse Programmen sünd unner dat Richtwoord „de eerste Arbeidsmarkt toeerst“ besünners up de eerste Arbeidsmarkt ansett. Bi uns Programmen steiht besünners dit an eerste Stee: De Arbeidnehmers in de Bedrieven wiederbilden un wat daartegen doon, dat jung Lü sünner Arbeid blieven. Wi willen mit de „Offensive för Qualifizeren Nedersassen“ de Chancen för gode Bilden in Nedersassen verbetern. Ok willen wi daarmit sekerstellen, dat wi bi d‘ jung Lü de Fackkraften kriegen, de wi so nödig bruken.

Labour market policy Bildrechten: grafolux & eye-server
na d‘ Anfang van disse Sied
Mobieltje Ansicht