plattdüütsch Niedersachsen klar Logo

Familien sünd uns Tokunft

Familien mit Tokunft – Kinner wat bibrengen un up hör uppassen

De Lannesregeren van Nedersassen will, dat dat de Familien good geiht. Familien sünd de Grundlaag för de Entwickeln van de Kinner un nettso Grundlaag van uns Gesellschupp. Dat se in d` Olldag good klaarkomen, daarför bruken Ollen un Kinner gode Grundlagen. Daarbi kummt dat besünners up gode Angeboden an, up de man sük verlaten kann: bi Uppass, Uptrecken un Bilden. Dat is good för de Entwickeln van de Kinner, un de Moders un Vaders könen arbeiden gahn. De Steden un Gemeenten hebben de Upgaav, dat se Angeboden för Uppass för de Kinner good un recht tosneden upsetten. Mit dat Programm Familien mit Tokunft helpt dat Land hör bi disse Updrag un gifft daarför in de Jahren 2007 bit 2010 mehr Lannesmiddels van in `t Geheel 100 Millionen Euro.

  • Kinner unner dree Jahr sölen en gode Uppass hebben, daarum sall dat beter un mehr Pleeg over Dag geven.
  • Butendeem willen wi mehr Angeboden van Uppass, de bewegelk sünd, un up de Verlaat is.
  • Angeboden un Inrichtens de dat al gifft, sölen mehr mitnanner verknüppt worden un en beter Qualität kriegen.
  • En gode Bilden al för de heel Lüttjen un en recht tosneden Stön, besünners in dat lesde Jahr, bevör dat na d` School geiht (Brüggjahr), brengt för all Kinner en gode Övergang na d` Grundschool mit faste Vörutsettens de sük verglieken laten.

Ok hier helpt dat Land de Scholen un de Kinnergaarns.

Mit Hülp för en familienfrünnelke Unnerboo sett sük de Lannesregeren noch mehr up dat Rebett van Familienpolitik un Bildungspolitik för de Lüttjesten in. Ollen un Kinner sünd in uns Gesellschupp geern sehn – denn Kinner sünd uns Tokunft!
Froolü un Mannlü mutten vandaag in de Familie un in d` Beroop völ leisten, faken geiht dat tegennanner an: Alltied bewegelk wesen un alltied an de Arbeidsstee paraat stahn könen, dat geiht nich övereen mit Tied för de Familie, mit gemeensaam Mahltieden, mit Wennsten, Tied för Sport, Spöl un Verhaal. Tieden van Kinneruptrecken un Pleeg tohuus gahn nich mit de Anförderns in de Bedrieven övereen.

Ollen wünschen sük vandaag mehr un mehr, dat se hör Upgaven unnernanner gerecht updelen, so dat sük dat an neje Umstännen in Arbeid un Familie good anpassen lett.

Daarbi is en Arbeidswelt, de up de Familien acht, heel belangriek un de Arbeidnehmers as Part van en Familie ansücht. In de wassende Wettbewarv um gode Fackkraften hebben in Tokunft de Bedrieven beste Mögelkheiden, de hör Arbeidnehmers gode Lösens för en Mitnanner van Arbeid un Familie anbeden. Daarum denkt sük dat Land tohoop mit de Wirtschupp neje Konzepten un Strategien ut.

Dat Land stönt en beter Mitnanner van Arbeid un Familie t. B. dör dit:

  • Stön för bewegelke Modellen van Arbeidstied
  • Stön för Projekten för ’t Qualifizeren
  • Angeboden van de Koordinationsstee för Froolü un Wirtschupp.
Familie Bildrechten: grafolux & eye-server
na d‘ Anfang van disse Sied
Mobieltje Ansicht