plattdüütsch Niedersachsen klar Logo

Vöölklörigheid van Spraken

In Nedersassen finnen Ji een van de lüttjeste Spraakinsels in Europa: dat Saterland. Daar snacken vandaag noch ruugweg 2.000 Minschen Freesch. Tegen dat Noordfreesche (in Sleswig-Holsteen) un dat Westfreesche (in de nederlandsche Provinz Fryslân) is Saterfreesch de darde Förm van de freesche Spraak, de in Europa as Minderheidenspraak anerkannt is.

Nederdüütsch is de bitlang grootste anerkannte Regionalspraak in Europa. Dat Volk seggt daar Plattdüütsch an. Man geiht van anto acht Millionen Nederdüütsch Snackers ut, de over acht Bundslannen in Noorddüütschland verdeelt sünd. In dit Spraakgebied, dat over ruugweg en Dardel van de Bundsrepublik geiht, is Nedersassen dat Bundsland mit de meeste Plattsnackers (ruugweg twee Millionen).

De plattdüütsche Spraak word in verscheden Dialekten snackt, de sük deelwies düchtig vannanner unnerscheden. In Nedersassen sünd dree van de sess groot Soorten Nederdüütsch wiedlopig vertreden: dat Noordnederdüütsche, dat Oostfäälsche un dat Westfäälsche.

na d‘ Anfang van disse Sied
Mobieltje Ansicht