plattdüütsch Niedersachsen klar Logo

Reisland Nedersassen - entdeck de Noorden

Nedersassen is en Land mit heel verscheden Sieden un to elke Tied in `t Jahr en Reis weert! Finnt ut, wo vöölklörig de Natur, Kultur un Minschen bi uns in d' Noorden sünd! Van de Oostfreesche Insels un de Noordsee-Küst bit to de Höchten van de Harz gifft dat Urlaubskuntreien, de 't Ankieken weert sünd. Verhalen an de Küst of in de Bargen, Overnachten in Luxus-Hotels of up Burenhoffen, besünner Veranstaltens in de Hauptstadt Hannover of traditionelle Veranstaltens in de lüttjeder Dörpen - dat all un noch völ mehr finnen Ji in dat Reisland Nedersassen. Fangt Jo Ogenreis dör uns Bundsland an up dat Informationsportal van de TourismusMarketing (TMN) unner www.reiseland-niedersachsen.de.

Hier kriegen Ji en eerste Överblick över de wichtigste Kuntreien, Steden, Kuntaktadressens, Angeboden un Themen in Nedersassen. Hier gifft dat interaktive Kaarten för `t Torechtfinnen, Tipps för Veranstaltens un Informationen over Unnerkummsten, Kunst un Kultur, Urlaub in d' Natur, Eten un Drinken un en Bült mehr . Man nich blot in 't Internet is de TourismusMarketing Nedersassen för Jo daar: Unner de Nummer +49(0)511/270 488-0 könen sük Urlaubers ok telefonisch over de Reismögelkheiden tüschen Noordsee un Harz, Lünebörger Heid un Eemsland informeren of Broschüren bestellen.

De TMN is de zentrale Anspreekpartner för de Tourismus in Nedersassen. Se is dat Dack, unner dat de Tosamenarbeid un dat Mitnanner-Proten van de Reiswirtschaft, Politik un Medien tosamen löppt. Dat Land Nedersassen geiht mit en dynamischen, modernen Tourismus-Plaan in dat Rennen um de Günst van de Gasten. Marktförschen, Beradens- un Seminarleistens to dat Thema Servicequalität un dat Marketing in 't Butenland utboen un verbetern – dat sünd de dree belangriekste Rebetten, up de daarför warkt word, dat de nedersassisch Tourismuswirtschaft sük wiederentwickelt. De TMN sett daarför up mehr Qualität, neje Techniken un internationale Wiedblick.

TourismusMarketing Nedersassen GmbH (TMN)
Essener Str. 1
30173 Hannover
Tel: +49 (0)511/270 488-0
Fax: +49 (0)511/270 488-88
Email: info@tourismusniedersachsen.de
Internet: www.niedersachsen-tourism.de

Beach life in Neßmersiel Bildrechten: Ostfriesland Touristik Landkreis Aurich GmbH
na d‘ Anfang van disse Sied
Mobieltje Ansicht