Wiedergeven van Weten & Technologie

Nett för Unnernehmens van de Middelstand is de Kuntakt to Hoogscholen un Inrichtens, de förschen, besünners wichtig: Well sük kien groot Entwicklungsofdelens leisten kann of will, is faak genoog up dat anwesen, wat de Wetenskupp an de Bedrieven wiedergifft. Man dat Wiedergeven van Weten is kien Eenbahnstraat. De Hoogscholen bruken de Kuntakt mit de Wirtschaft, umdat sük Förschen un Lehr wiederentwickeln könen. Dat Land will de nedersassische Hoogscholen, de en allerbeste Struktur för 't Förschen un Entwickeln hebben un in de internationale Vergliek best in de Laag sünd, bi Neeientwickelns mittohollen, beter un mehr bi dat Utfinnen van neje Produkten, Arbeidsoflopen un Dennstleistens in de Wirtschaft bedeligen.

In Nedersassen gifft dat en dicht Nett van künnige Inrichtens för 't Beraden, de tüschen Hoogscholen un Unnernehmens vermiddeln un för de Praxis Mögelkheiden anbeden, wo man Problemen lösen kann. An de nedersassische Hoogscholen gifft dat t. B. Transfersteden, de de Wetenschuppersches un Wetenschuppers helpen, de Ergebnissen van hör Förschen to verweerten. Ok för Erfinners of Lüü, de en Bedriev grünnen willen, vermiddelt de Transferstee de rechte Anspreekpartners.

Ergebnissen van Förschens in enkelde Fackrebetten worden over Kompetenzzentren an de nedersassische Hoogscholen wiedergeven. De sünd up en besünner Thema fastleggt, trecken dat Fackweten in de Wetenschupp binanner un brengen dat mit de Steden in de Wirtschaft tosamen, waar dat bruukt word.

Tegenan finnen Ji en Oversicht over de Kompetenzzentren un -netten in Nedersassen, de van 't Land stöönt worden.