plattdüütsch Niedersachsen klar Logo

Studium

In Nedersassen gifft dat Universitäten un Kunsthoogscholen mit Studienangeboden, bi de de Swaarpunkten besünners up de Wetenschupp liggen; un dat gifft Fackhoogscholen, waar dat Studienangebood ehrder na de Praxis kickt.

Hier gifft dat t.B. ok de neje „duale“ Studiengangen. D‘r worden Wetenschupp un Praxis mit ‘t Studeren an d‘ Hoogschool un de praktische Beroopsutbilden heel dicht binanner brocht.

Dat Hoogschoolsystem
IIn Nedersassen gifft dat elv Universitäten. Daarvan is de Universität Göttingen, de 1737 grünnt wurr, mit ruugweg 23.000 Studenten (Wintersemester 2008/09) de gröttste un ollste Hoogschool in Nedersassen. Dat Studienjahr is unnerdeelt in twee Semesters: Dat Wintersemester fangt in Oktober an (bi de Fackhoogscholen in September), dat Sömmersemester fangt in April an (bi de Fackhoogscholen in Märt). Een Semester düürt en halv Jahr; de Lehrveranstaltens lopen meest in en Tied van dree of veer Maant.

Buten verscheden dütsche Hoogschoolofslutens as Magister of Diplom worden an dat Enn van 't Studium meesttieds Bachelor- un Masterofslutens vergeven, nett as in 't Butenland.Angeboden in d‘ Bachelor düren sess bit acht Semesters, Masterprogrammen hollen denn noch maal twee bit veer Semesters an.

Kösten

In Nedersassen gifft dat siet dat Wintersemester 2014/15 keen Studiengebühren mehr. Hier gifft dat mehr to lesen:
www.studienbeitraege.niedersachsen.de
To 'n Leven bruukt man upstünds ruugweg 700 Euro in d' Maant (daar is de Hüür in en Studentenwohnheim mit in).

Wenn Ji um en Stipendium anfragen willen: De düütsche Hoogscholen geven meest kien egen Stipendien ut, man de Deutsche Akademische Austauschdienst (DAAD) un en Rieg anner Inrichtens beden Jo finanzielle Stöön för Jo Studium an. Fraagt na bi de Butenlandsvertreden van de DAAD of van dat Goethe-Institut in Jo Land of kiekt na in 't Internet unner www.daad.de.

na d‘ Anfang van disse Sied
Mobieltje Ansicht