plattdüütsch Niedersachen klar Logo

"WaterRiek Nedersassen" - Duukt in!

Langs de grote un lüttje Stromen un Kanalen, up de wiedlopige Seen, an de ruge Noordsee of up de Oostfreesche Insels - Nedersassen is wiss mit all Soorten Water wuschen. Of mit 't Paddelboot of up Waterskier, in 't Seilboot of up 't Surfbredd - de nedersassische Kuntreien beden ideale Mögelkheiden för de Urlaub an 't, in 't of up 't Water. Un ok well lever mackelk geneten mag kummt bi moje Schippsfahrten dör de wunnerbare Küsten- un Flusslandschuppen of bi frische Fisch-Leckereen up sien Kösten: Nedersassen - wiss en "WaterRiek"!

Dat grootste Binnenwater is dat Steenhuder Meer - en Paradies för Lüü, de seilen of surfen willen. Elv, Werser un Eems sünd de wichtigste Aders in 't "Dreestroomland" Nedersassen, de man befahren kann. In 't Geheel 30.000 Kilometers lang sünd de Sloten, Stromen un Kanalen, de sük dör dit Bundsland trecken. Dat Enn is alltied de Noordsee, waar in 't Wadd de Wateraders mit de See tosamenlopen. Langs de Küst liggt en eenmalig Schutzgebied: In de Nationalpark Nedersassisch Waddensee könen de Besökers bi en Waddwannern de Wessel van Ebb un Flood un de vööl verscheden Soorten Deren, van d' Waddwurm bit hen to d' Seehund bekieken. As up en Parrelsnoor sünd vör de Küst de Oostfreesche Eilannen mit hör ewig lange Sandstranden upreeit.

na d‘ Anfang van disse Sied
Mobieltje Ansicht