plattdüütsch Niedersachen klar Logo

Stedenreisen

Stadtlandschuppen – Upfinnen, beleven un inkopen in Nedersassen

Dat Mitnanner van Husen, Platzen, Straten un Minschen – kört: dat, wat en Stadt utmaken deit, dat is för uns en Stadtlandschupp. In Nedersassen gifft dat en Bült Steden mit en egen Temperament: lebennige grote Steden, Orten mit Histoorje un Steden, de dör de See prentjet sünd – för Ofwesseln un Beleven is bi en Stedenurlaub in Nedersassen sörgt.

Van de gröne Lanneshauptstadt Hannover, över de Stadt van de Westfälische Free Ossenbrügge bit hen to de Löwenstadt Brunswiek trecken de grote Steden van uns Land mit kulturelle Riekdom un beste Mögelkheiden för `t Inkopen de Minschen an. Edel Boutiquen un Warenhusen, künnig Fackgeschäften, Ladens, waar man eenfach maal kieken kann, klörig Flohmarkten – well hett daar kien Lüst, en Inkoopsbummel to maken?

Langs de oll Hannelsstraten un moi Stromen finnen sük de nedersassische Steden mit en lang Geschicht. Stadtmüren ut dat Middeloller geven de kommodige Stadtkeerns mit oll Markten, rustikale Fackwarkhusen of prachtvulle Boowarken van de Werserrenaissance Schuul. Dicht bi de Waterkant un langs de Waterpaden in `t Binnenland sünd dat besünners de Havens, Kanalen, Schippen un Booten, de de Steden dat maritime Utsehn geven. Mit de Stadtwachter snachts dör de düster Straten lopen, up de Spoor van dat Leven in `t Middeloller – in völ Steden van Nedersassen gifft dat heel besünner Stadtföhrens, de hör Gasten en egen Indruck van lebennige Geschicht geven.

"Summer of Culture" concert in Oldenburg
na d‘ Anfang van disse Sied
Mobieltje Ansicht