plattdüütsch Niedersachen klar Logo

"Peerland Nedersassen" - Urlaub för Twee- un Veerbeners

Wegen de heel verscheden Landschuppen un de lang Tradition in de Peersport is Nedersassen wiss en "Peerland". Tüchtbedrieven, de weltwied en groot Naam hebben, Hingstvörföhrens mit völ Temperament, spannende Peer-Auktionen un groot Turnieren sünd Treffpunkten, waar Peer-Frünnen ut de hele Welt binannerkomen. De Peer-Rassen "Hannoveraner", "Ollenbörger" un "Fresen" hören aver nich blot up de internationale Turnieren to de Allerbesten - de troo Veerbeners sünd ok de beste Partner för en Urlaub up 't Peerd.

Mit en Riedurlaub in Nedersassen setten Ji Jo up dat rechte Peerd! För de Urlaubsspaß up de Rügg van de Veerbeners word vööl boden - de Unnerkummsten för Riedfrünnen gahn van 't Luxusquarteer bit to dat goodkope "Heihotel". Moi gelegen Burenhoffen beden Peerd un Rieder gode Mögelkheiden för `t Overnachten, egaal, of Ji mit 't egen Peerd unnerwegens sünd of in d' Sadel van en utlehnt Peerd. In vööl Kuntreien, as t. B. in 't Eemsland, de Lünebörger Heid, de Hannover-Gegend of in 't Elv-Werser-Dreekant, gifft dat allerbeste Wegen to rieden. Riedurlaub in Nedersassen, dat is Verhalen un Beleevnis pur för Twee- un Veerbeners!

na d‘ Anfang van disse Sied
Mobieltje Ansicht