plattdüütsch Niedersachen klar Logo

Angahn Middelstand: Middelstand in d' Middelpunkt

De Middelstand bestimmt, wo Nedersassen utsücht:

  • De Statistik seggt, dat 99,6 % van de nedersassische Unnernehmens to de Middelstand hören.
  • Ruugweg 71,5 % van de Minschen in Nedersassen, de sozialversekernsplichtig arbeiden, arbeiden in de Middelstand.
  • De Middelstand is de Utbilder överhoopt: Över 78 % van de Lehrjungse un Lehrwichter worden in de Middelstand utbildt.

Wirtschuppspolitik in Nedersassen is in eerste Rieg Middelstandspolitik.

De Middelstand kriggt daarmit de Bedüden, de hum tosteiht: Wirtschuppspolitische Angahns worden tohoop brocht un up de Belangen van de Middelstand utricht. Daar sünd en Bült Fraagstellens, de enkelde Bedrieven, de Stee un de Markt angahn, nettso as en hele Bült wirtschuppspolitische Överleggens allgemeen, welke för de Middelstand van Bedüden sünd. An vörderste Stee steiht daarbi: Belastens un Hinners ofboen un de Aard van Hülp geven, de de Bedrieven up Dürte stark maakt.

Wichtige Facken sünd daarbi: De brede Middelstand entlasten, Bürokratie ofboen, Dereguleren un Privatiseren, redelk Wettbewarv för glieke Chancen in de Markt. Butendeem dör Vernejen, Middelinsatz, weltwied Hanneln un Bewegen sekerstellen, dat de Unnernehmens ok in de Tokunft bestahn könen. Dat Forum Middelstand un de Arbeidskring Forum Middelstand bilden de Steden to sük uttusken mit de Verbannen un Kamers van de brede Middelstand. Daar worden de Belangen van de brede Middelstand branchenovergriepend dörproot un Lösens akkerdeert.

SMEs
na d‘ Anfang van disse Sied
Mobieltje Ansicht