plattdüütsch Niedersachen klar Logo

Logistik

Logistik is en Wassdomsrebett, dat in de Tokunft kickt, de völ Neeiheiden un Arbeidssteden schafft. De Markten för In- un Verkoop, de weltwied dichter innanner griepen un dör dat Groterworden van de EU noch maal en Schuuv kriegen, man ok, dat Industrie, Deenstleisters un Hannel all dichter binanner komen, as ok de Angeboden bi Mehrweertdeenstleistens, de allerwegens umhoog gahn, brengen disse Entwickeln wieder na vörn.
De Logistikmarkt hett för Nedersassen en grote Bedüden un draggt en good Part Verantwoorden för en reelle Entwickeln mit Tokunft för de hele Wirtschuppsstee.

Nedersassen hett vandaag all, wat en fixe Logistikstee, de düchtig wat leist, utmaakt:

  • gode Laag, dicht bi de wichtige Markten
  • recht tosneden Bodd to de rechte Priesen
  • starke Grundlagen för dat Tosamenspöl van verscheden Transportaarden
  • beste Knüppen bi de Logistik
  • gode Qualität van Anbinnen un Vernetten
  • hoog Weten un Könen in de Logistik.

De Lannesregeren van Nedersassen hett al froh disse hoge Bedüden van de Logistik ofsehn un as een van de eerste Bunneslänner in dat Jahr 2002 de Logistikinitiative Nedersassen up 't Padd brocht. Hier sall de Logistikinitiative up an:

  • De Wirtschuppsstee Nedersassen wahren, utboen un för de Tokunft stark maken,
  • De bestahnde Unnerboo bi Verkehr beter bruken un de Anknüppsteden för de Verkehrsdragers beter utlasten,
  • en Stee för Informeren un Gesprecken för all Bedeligten up dat Rebett van Logistik un Verkehr wesen,
  • De Logistikstee Nedersassen in `t Binnen- un Butenland vermarkten – besünners ok mit dat Weten um de Stedenwessel van de Benelux-Ruum na Oosten hen,
  • Up de Anförderns recht tosneden Enkeld- un Verbundprojekten up d` Padd brengen,
  • De Enkeldaktivitäten van de Logistikers verknüppen un dat Wark Stön geven,
  • Gode Paden na de Marktsteden schaffen un Hülp för de Upboo van Tosamenarbeiden.

De belangriekste Stee för Informeren un Gesprecken van de Logistikinitiative un de Logistikstee in Nedersassen is de Logistikpoort up `t Internet, de all mitnanner in Kuntakt brengt. Hier gifft dat ok de Mögelkheid, dat Themenkumplexen un Anliggens van de Initiative bi 't Verwalten stönt un technisch umsett worden.
Mit disse Logistikpoort sall en Markstee van de nedersassische Logistikwirtschupp för verscheden Twiegen upsett worden. Hier sall Tosamenwarken in Gang sett worden, hier sall dat logistische Angebood in de Qualität verbetert un rieker maakt worden, de Entwickeln van neje Deenstleistens umsett un dat Anwarven van neje Marktmögelkheiden bereckt worden.

Logistics
na d‘ Anfang van disse Sied
Mobieltje Ansicht