Wohlföhlen in Nedersassen - würrelke Verhaal-Steden

In en Land vull van Wohlföhl-Steden finnen Ji dat Geheimnis, wo Minschen sük verhalen: Koomt in de Kurorten un Heilbaden in Nedersassen! Wat Goods för de egen Gesundheid doon un daarbi noch de heerlike nedersassische Landschupp geneten - gifft dat en mojer Grund för en körten Reis? In de Heilbaden un Kurorten finnen Ji nich blot wunnerbare Landschuppen un frünnelke Minschen, man ok therapeutisch Könen un en modernen Utstafferen.

De Natur hett hör maakt, un siet Jahrhunnerten nutzt de Minsch hör Kraft för de Gesundheid: de Elementen Meer, Moor, Sole, Swefel, Luft un Water. De See is en beste Aptheek un hett mit Sliek, Solt un Algen dree Juwelen van d` See, de lüttje Wunners in de Medizin doon könen. „Thalasso“ heet disse Aard van Behanneln, de speziell an de Waterkant anboden word. Man ok traditionelle Medizin ut China, Heelmethoden ut de feerne Oosten un Anwennens för `t gode Utsehn hören to dat grote Angebood van de nedersassische Wohlföhl-Welt.

In all Kurorten in Nedersassen hebben sük de Anbeders van Unnerkummsten up dat Verlangen van de Besökers instellt. Of in lüttje Familien-Pensionen of in Luxus-Hotels, de Gasten worden so betreut, as hör Therapie dat verlangt. Mit de Angeboden van de Heilbadenverband Nedersassen kann sük jeedeen wunnerbaar entspannen un neje Kraft tanken för de Olldag.