plattdüütsch Niedersachen klar Logo

Urlaub in de Natur un up de Burenhoff

Reine Natur, so wied as 'n kieken kann - de beid nedersassische Nationalparks sünd en eenmalig Beleevnis.In dat „UNESCO-Weltnaturarvgood Wattenmeer“ kriggt man nich blot de schoonste Lücht van de hele Welt in de Lungen, bi Ebbe kann ‘n en Levensrümte sehn, de dat anners nargends gifft – dat Wattenmeer. De Grund van de See is de Heimat van Seehunnen, Mussels, Granaat un selten Vögels.

Heel anners is de wille un romantische Nationalpark Harz - Bargen mit wiede Waldgebieden un glasklare Seen. De 12 Naturparks van dat Land sünd dat Ankieken nettso weert. Of in de Lünebörger Heid, an 't Steenhuder Meer of in 't Werserbargland - overall is de Gast inladen, dat he de Deren- un Plantenwelt, de unner Schuul steiht, kennen lehrt un de Produkten un Besünnerheiden van de Kuntrei genütt.

En Urlaubsbeleevnis för de hele Familie is en Urlaub up de Burenhoff. De Burenhoffen un Plaatsen in Nedersassen beden dat reine Landleven un handfaste Dennsten to Priesen, de man woll betahlen kann. Over 400 Bedrieven hebben sük best up all Gasten instellt, de sük up `t Land eenfach un in Free verhalen willen. Kohjen, Peer, Swienen, Höhner: De Deren up de Burenhoff sölen woll vörall de Kinner antrecken. Well Lüst hett, kann to elke Tied düchtig in d' Stall of up 't Land mit togriepen. In "Heihotels" overnachten de Gasten sünner groot Upmakeree in de Schüür of in 't Heibedd.Besünner Buurkereen beden disse romantische Unnerkummsten van Mai bit Oktober an. Urlaub up de Burenhoff in Nedersassen - dat is Verhalen pur an d' Bost van de Natur!

na d‘ Anfang van disse Sied
Mobieltje Ansicht