Van Harten willkomen up de plattdüütsche Internetsieden
van de Nedersassisch Landesregeren

Schriftgrötte:
Kuntrast van de Klören:
Plattdüütsche Internetsieden van de Nedersassisch Landesregeren

Waar 't um geiht

Cow

Dat Land

Nedersassen hett vööl to beden: Buten de Besünnerheiden in Kultur, Landschaft un Tradition is dat tweedgrootste Land van de Bundsrepublik en profitelk Stee för de Wirtschaft. Besöökt Nedersassen up en Gedanken- un Billerreis.

Bildrechten: Touristik GmbH Südliches Ostfriesland
The cabinet of the Lower Saxony state government

De Nedersassische Landesregeren

Lehrt de Nedersassisch Ministerpräsident un de Ministersches un Ministers van de Nedersassisch Landesregeren kennen.

Bildrechten: NOVUM Fotoagentur, Walter Schmidt
Wirtschaftsstandort Niedersachsen

Wirtschupps- un Messestee Nedersassen

Nedersassen hett wegen de Laag midden in de europäisch Markt groot Vördelen bi de Weddstried um Steden för Bedrieven. Dat gellt besünners, siet de EU sük na Oosten utwiedt hett. Ok de Infrastruktur is allerbest.

Bildrechten: grafolux & eye-server
Students at information terminals

Bildung & Wetenschupp

För de Studerenden gifft dat in Nedersassen mit sien vööl un verscheden Hoogscholen en ganz Bült Mögelkheiden, dat passende Studium to finnen. De Universitäten, Fackhoogscholen, Kunsthoogscholen un Berufsakademien van dat Land hebben verscheden Swaarpunkten, Studienzielen, Facken un Studiengangen.

Bildrechten: grafolux & eye-server
Beach life in Neßmersiel

Tourismus

Urlaub in Nedersassen – finnt ut, wo vöölklörig de Natur, Kultur un Minschen bi uns in d’ Noorden sünd! Van de Oostfreesche Insels un de Noordsee-Küst bit to de Höchten van de Harz gifft dat Urlaubskuntreien, de 't Ankieken weert sünd.

Bildrechten: Ostfriesland Touristik Landkreis Aurich GmbH
Culture

Kultur

Nedersassen word förmt dör en rieken un vöölsiedigen Kultur. En ganz Rieg van Theaters un Museums, aver ok Karken, Slötten un olle Gaarnanlagen laden Jo in up Besöök na Nedersassen.

Bildrechten: grafolux & eye-server
Stephan Weil

Leve Gasten,

as Nedersassisch Ministerpräsident segg ik van Harten willkomen up de plattdüütsche Internetsieden van dat Land Nedersassen. Ik laa Jo in, Nedersassen up dit Padd kennen to lehren. Ji sölen faststellen: bold kien anner Bunnesland hett so en Völklörigheid to beden.

Bi uns gifft dat Hoogseeklima up de Insels un man kann in de Bargen in de Harz skifahren. Nedersassen büddt Grootstadtleven in Hannover, Brunswiek un Ossenbrügge un to glieke Tied Ruh un Verhaal in de eensame Landstreken. So verscheden as de Landschupp in Nedersassen is ok uns kulturelle Bodd. An en hele Bült Steden un in völ Museums könen Ji beleven, dat uns Land, ok wenn `t ruugweg eerst 60 Jahr old is, up en Geschicht von bold tweedusend Jahr torüggkieken kann.

Nedersassen is en moderne Stee van Wirtschupp un Wetenschupp, de fix wat leisten kann. In Nedersassen word de VW-Golf boot, dat Auto, dat up de Welt an meesten verköfft word. In 't nedersassisch Papenbörg worden de moiste Krüüzfahrtschepen boot, un anners nargends in Düütschland sünd de Lüü so beslaan, wenn 't um dat Wiederkomen van de Flegeree un Weltruumfahrt geiht. Nedersassen is en Land van Innovationen. Bi uns komen beste Förschen, hoogtechnologische Entwickelns un Produkten, de best lopen, binanner.

In uns internationale Vörstellen finden Ji Informationen over dat Land, de Wirtschaft, de Kultur, over moje Steden, de man sük ankieken sull, un over de nedersassisch Landesregeren. Ik frei mi, wenn dat Internet-Angebood Jo daarto anhollt, de Vöölklörigheid van Nedersassen tüschen Harz un Heid, tüschen Elv un Eems sülvst maal to beleven.

Mit beste Gröten

Stephan Weil
Nedersassisch Ministerpräsident

Översicht